डम्फुको आत्मालाप / Damphuko Aatmalap

मैले पढेका भक्त स्याङतानका यी कथामा तामाङ पात्रपात्रा, तिनका नाक अनि केही भाषिक र सांस्कृतिक पहिचान छन् । कथा र पात्रको यो संरचनामा ती तामाङ संस्कृति, व्यक्ति र तिनका जीवनका अनुरागको पनि चित्रण गर्न सफल छन् । तर, त्यति मात्र होइन काठमाडौँका पुराना टोलमा बस्ने वृद्धवृद्धा र तिनका विदेशमा बस्ने सन्तान फर्किएलान् भन्ने प्रतीक्षाका मार्मिक चित्रण पनि भएका छन् कथामा | यी कथाकारले घटना र पात्रका किञ्चित त्रासद अवस्थाको चित्रण गरेर कथामा औपन्यासिक चरित्रका सङ्केत गरेका छन् । - डा. अभि सुवेदी जीवनका हर्षातिरेक र चरम शोक, मायापिरती र विद्रोह, राग र वैराग एवम् योग र वियोगका सूक्ष्म अनुभूतिहरू छरितो संरचनामा उनेर बुनिएका यी प्रयोगशील कथाहरू बडो रोचक छन् । मलाई लाग्छ, वियोगान्तको विषादले पाठकको मानसमा पैदा गर्ने मार्मिक अनुभूतिहरूमा यी कथाहरू स्मरणीय रहनेछन् । - खगेन्द्र सङ्ग्रौला

Title

डम्फुको आत्मालाप / Damphuko Aatmalap | Damphuko Aatmalap

Author

भक्त स्याङतान

ISBN

9789937775496

Language

Nepali

Published

2023

Publication

Sangrila Books

Pages

223

Category

कथा